MODYUL 1 PAGKAMAMAMAYAN: KONSEPTO AT
KATUTURAN
Ang Pagkamamamayan o
Citizenship
ay
nangangahulugan ng pagiging kasapi o miyembro ng
isang bansa, ayon sa itinatakda ng batas.
POLIS- ang lungsod-estado sa bansang Greece na
binubuo ng mga taong may iisang mithiin.
Ayon kay Murray Clark Havens (1981), ang
pagkamamamayan o citizenship ay ugnayan ng isang
indibiduwal sa isang estado. Ito ay tumutukoy sa
pagiging miyembro ng isang indibiduwal sa isang
estado at kabilang siya bilang isang citizen, siya ay
gumagawa ng karapatan at tungkulin
ANG MAMAMAYANG PILIPINO Sa Artikulo IV, Seksyon 1-
5 ng 1987 Konstitusyon, nakasaad ang mga itinatakda ng
batas hinggil sa kung sino ang itinuturing na
mamamayang Pilipino.
SEKSYON 1. Ang sumusunod ay ang mamamayan ng
Pilipinas:
SEKSYON 2. Ang katutubong inanak na mamamayan ay
ang mamamayan ng Pilipinas mula pa sa pagkasilang na
wala nang kinakailangang gampanan ano mang
hakbangin upang matamo o malubos ang kanilang
pagkamamayang Pilipino.
SEKSYON 3. Ang pagkamamamayang Pilipino ay
maaaring mawala o muling matamo sa paraang
itinatadhana ng batas.
SEKSYON 4. Mananatiling angkin ang
pagkamamamayan ng mga mamamayan ng Pilipinas na
mag-asawa ng mga dayuhan, matangi kung sa kanilang
kagagawan o pagkukulang, sila ay ituturing sa ilalim ng
batas na nagtakwil ito.
SEKSYON 5. Ang dalawahang katapatan ng
pagkamamamayan ay salungat sa kapakanang pambansa
at dapat lapatan nang kaukulang batas.
SALIGANG BATAS- legal na basehan ng
pagkamamamayan ng isang ibdibidwal.
MGA PRINSIPYO NG PAGKAMAMAMAYANG
PILIPINO
1.Jus Sanguinis – ay naaayon sa dugo o
pagkamamamayan ng mga magulang o isa man sa
kanila.
NATURAL BORN- ang mamamayan na katutubong
inaanak ng Pilipinas.
2. Jus Soli – ang prinsipyo na naaayon sa lugar ng
kanyang kapanganakan anuman ang
pagkamamamayan ng mga magulang.
PAANO MAIBABALIK ANG PAGKA-PILIPINO?
Naturalisasyon – ay paraan ng pagtanggap ng
bansa sa isang dayuhan at pagkakaloob sa kanya ng
karapatang tinatanggap ng mga mamamayan.
Repatriation – ang tawag sa kusang pagbabalik ng
isang tao sa kanyang pinanggalingang bansa
pagkatapos na mabawi ang kanilang
pagkamamamayan. (
expatriation-
o kusang
pagtalikod sa pagkamamamayan)
Aksyon ng Kongreso – pagtugon ng Mababang
Kapulungan ng Kongreso ukol sa aplikasyon para
maging isang mamamayang Pilipino.
Pagpapatawad ng gobyerno sa isang tumakas sa
Sandatahang Lakas ng bansa – ang paraang ito ay
kadalasang para sa mga sundalo na nagsilbi sa
pamahalaan ngunit tumakas habang sila’y nasa tungkulin
lalo na sa panahon ng digmaan kaya nabawi ang
pagkamamamayang Pilipino mula sa kanila.
Kahalagahan Ng Pakikilahok Ng Mga Mamamayan
Sa Gawaing Pansibiko at Gawaing Politikal
Ang sibika ay tumutukoy sa pagiging mabuting
mamamayan ng bansa. Bawat mabuting mamamayan
ay nararapat na makibahagi sa mga iba’t ibang gawaing
pansibika at gampanan ang kanyang mga responsibilidad
upang matamo ng bansa ang minimithing pag-unlad. May
responsibilidad at obligasyon ang bawat tao sa
komunidad.
Mga Katangian na Dapat Taglayin ng Isang
Aktibong Mamamayang Nakilalahok sa Gawaing
Pansibiko
MAKABANSA Isa sa mga katangian na dapat taglayin ng
isang aktibong mamamayan ang pagiging makabansa.
Tungkulin ng bawat isa sa atin na sikaping isulong ang
pagtutulungan, pagbubuklod-buklod, at pagkakaisa.
Ang isang mamamayang makabayan ay:
a. Tapat sa Bansa
b. Handang Ipagtanggol ang Estado
c. Sinusunod ang Saligang Batas at iba pang mga
batas ng Pilipinas
d. Nakikipagtulungan sa Gobyerno
e. Pagtangkilik sa Sariling Produkto
f. Pagbabayanihan sa Panahon ng Kalamidad at
mga Suliranin na ating Kinakaharap
