a document about risk reduction, Lecture notes of Credit and Risk Management

Download a document about risk reduction and more Lecture notes Credit and Risk Management in PDF only on Docsity!

II. BARANGAY DISASTER RISK REDUCTION AND MANAGEMENT COMMITTEE

(BDRRMC)

Ang Barangay Development Council (BDC): Ang Barangay Development Council (BDC) na magsisilbing Local Disaster Risk Reduction and Management Council sa antas ng barangay ang magiging konseho kung saan direktang makikipag-ugnayan ang Barangay Disaster Risk Reduction and Management Committee (BDRRMC). Ang magiging tungkulin ng BDC ay ang mga sumusunod:

1. Mag-apruba, mag-monitor at mag-tasa ( evaluate ) ng implementasyon ng Barangay Disaster Risk Reduction and Management Plan (BDRRM Plan) at palagiang ( regular ) repasuhin at suriin ( test ) upang tiyakin na ito ay naayon sa ibang pang mga programa at plano sa nasyonal at lokal na antas;
2. Tiyakin na naisama ang disaster risk reduction (DRR) at climate change adaptation (CCA) sa mga plano, programa at badyet ( budget ) sa lokal na antas bilang istratehiya para sa tuloy-tuloy na pag-unlad at pagpapababa ng kahirapan;
3. Mag-rekomenda sa pagpapatupad ng sapilitan o preemptive na paglikas ng mga residente, kung kinakailangan; at
4. Tipunin ang Barangay Development Council (BDC) isang beses bawat tatlong buwan o kung kinakailangan. Ang Pagbuo ng Barangay Disaster Risk Reduction and Management Committee (BDRRMC): Ang Barangay Disaster Risk Reduction Management Committee (BDRRMC) ay isang komite ng Barangay Development Council (BDC) na siyang itinalaga ng batas, ang Republic Act 10121, o mas kilala bilang ‘Philippine Disaster Risk Reduction and Management Act of 2010’ Nakasaad din sa NDRRMC-DILG-DBM at CSC JMC No. 2014-1 tungkol sa mga “implementing guidelines" sa pagbuo ng mga LDRRMOs at BDRRMCs sa lokal na pamahalaan upang mangasiwa at manguna sa mga gawaing pangkaligtasan ng mga taong nakatira sa komunidad. Ang naturang komite ang siyang namumuno sa pagpapatupad ng mga programa at gawain sa loob ng komunidad o barangay upang maiwasan at mabawasan ang epekto ng mga naka-ambang panganib o ng disaster sa mga mamamayan, mga tirahan, mga kabuhayan, at iba pang mga elemento sa barangay. Ang komite ay binubuo ng mga miyembro ng konseho, edukasyon, simbahan, at mga sektor o organisasyon sa isang pamayanan o barangay. Ito ay pinamumunuan ng Punong Barangay na tumatayo bilang Chairperson ng komite. Ang mga natukoy na sektor ay dapat magkaroon ng aktibo at makabuluhang papel sa proseso ng pagpaplano, pagpapatupad, pagsubaybay, at pagsusuri ng lahat ng gawain na nakasaad sa BDRRM Plan and Committee. Ang mga halimbawa nito ay: sektor ng mga bata, sektor ng kabataan, sektor ng kababaihan, matatanda, mga may kapansanan, at iba pa. Ang kanilang partisipasyon sa BDRRMC ay dapat itatag, sa pamamagitan ng Executive Order mula sa Punong Barangay o sa pamamagitan ng resolusyon mula sa Sangguniang Barangay. Ang pangunahing batayan ng pagiging miyembro ng mga sektor ng BDRRMC ay ang pagiging lehitimong organisasyon nila na may mga programa o proyekto sa barangay. Ang isang lehitimong organisasyon ay may kaukulang katibayan ng pagkilala mula sa alinmang ahensya ng gobyerno o Local Government Unit (LGU). Sila rin ay kinakailangang aktibo sa pakikilahok sa mga gawaing pang-kaunlaran ng barangay.

Kung hindi pa sila rehistrado sa anumang ahensiya ng gobyerno, maaari rin silang magbigay ng sulat sa barangay na naglalayong kilalanin sila bilang isang lehitimong samahan. Maaaring sumangguni sa DILG MC No. 2018-146 para sa mga alituntunin sa akreditasyon ng mga NGO at ang kanilang pagiging miyembro sa mga institusyong nakabase sa barangay tulad ng BDRRMC. Ang iba't ibang ahensya ng gobyerno tulad ng DILG, LGA, OCD at iba pa ay nagbibigay ng kaukulang pagsasanay at oryentasyon upang patuloy na palakasin ang kapasidad ng mga BDRRMC na magampanan ng mahusay ang kanilang mga tungkulin. Ang resulta ng QAS para sa BDRRMP/C ay isa rin sa mga basehan ng mga ahensyang ito sa pagbibigay ng tulong teknikal. Kailangang bumuo ng organogram (organizational structure) ang BDRRMC kung saan may kanya- kanyang responsibilidad ang bawat mabubuong sub-committee. Ang dami ng sub-committees ay nakadepende sa konteksto ng lugar o barangay. MGA TUNGKULIN AT GAWAIN NG BDRRMC Ang Barangay Disaster Risk Reduction Management Committee (BDRRMC), sa ilalim ng Barangay Development Council (BDC) ay may mga tungkulin na dapat gampanan na walang pinapanigan o kinakampihan. Ito ay ang mga sumusunod:

1. Magtakda ng magiging direksyon, pagpapaunlad, pagpapabago, at koordinasyon ng mga programa patungkol sa Disaster Risk Reduction and Management (DRRM);
2. Siguruhing naaayon ang mga programa, disenyo at koordinasyon ng mga gawain ng Disaster Risk Reduction Management (DRRM), alinsunod sa mga alituntunin at patakaran ng National Disaster Risk Reduction and Management Council (NDRRMC);
3. Mamahala at sumuporta sa mga pagtatasa ng peligro ( risk assessment ) at contingency planning activities;
4. Pagsama-samahin ang mga lokal na impormasyon na may kinalaman sa natural na peligro o panganib, mga bulnerabilidad o kahinaan, at panatilihin ang mga mapa ng mga panganib ( risk maps ) ng barangay;
5. Mag-organisa at magsagawa ng mga pagsasanay at oryentasyon sa mga miyembro ng komunidad na may kinalaman sa DRRM;
6. Magtalaga ng Focal Person sa bawat thematic area (prevention and mitigation, preparedness, response and recovery and rehabilitation) na siyang magti-tiyak na naipatutupad nang maayos ang mga naaprubahang programa, proyekto o gawain;
7. Tiyaking may kinatawan ( representative ) na manggagaling sa Barangay Council for the Protection of Children (BCPC) o focal point para sa Barangay Violence against Women and Children desk;
8. Magsagawa at magpatupad ng komprehensibo at pinagsama-samang mga lokal na plano alinsunod sa ipinag-uutos ng NDRRMC;
9. Gumawa at magsumite sa Sangguniang Barangay, sa pamamagitan ng Barangay Development Council (BDC), ng Barangay Disaster Risk Reduction and Management Plan (BDRRMP);
10. Ihanda at isumite sa Sangguniang Barangay, sa pamamagitan ng BDC, ang taunang badyet ng BDRRMP at programming ng BDRRM Fund; at
11. Tiyakin na makapag-imbak at agad na mapalitan ang mga nagamit na supplies at nasirang kagamitan sa panahon ng kalamidad.

Tema Tungkulin/Gawain Pag-iwas at Mitigasyon (Prevention and Mitigation) Magbigay ng mga pagsasanay sa mga response teams at iba pang miyembro ng BDRRMC para sa agarang pagtugon sa anumang kalamidad; at Makipag-ugnayan at makipag-tulungan sa Barangay Health Stations (BHS) at Rural Health Units (RHU) sa pagsasagawa ng mga aktibidad na magpapataas sa antas ng kaalaman ng mga residente ukol sa mga naaangkop na kaugalian sa kalusugan at nutrisyon. Paghahanda (Preparedness) Manguna sa pagsasagawa at pagbubuo ng mga plano sa barangay patungkol sa DRRM/CCA/Health Emergency at response (Hal.: BDRRM Plan, Contingency Plan, Public Service Continuity Plan); Pagpapalakas ng pakikipag-ugnayan sa iba’t-ibang mga People’s Organizations, Sectoral Groups, NGOs, CSOs, at iba pang mga lokal na ahensya ng pamahalaan, para sa mga gawaing paghahanda, tulad ng mga pagsasanay, pagpapalakas ng abilidad, at pagpapataas ng antas ng kaalaman tungkol sa DRRM, climate change adaptation at pampublikong kalusugan; Magsagawa ng regular na simulation exercises o drills kaugnay sa mga natukoy na pangunahing peligro o panganib; Magpakalat ng mga impormasyon ukol sa paghahanda sa panahon ng sakuna, disaster o anumang uri ng emergency sa lahat ng taong nasasakupan ng barangay, lalo na sa mga nakatira sa delikadong lugar; Tiyakin na ang Barangay Council for the Protection of Children (BCPC) ay aktibo at may natatanggap na mga pagsasanay patungkol sa pag-protekta sa mga bata at mga batang may kapansanan bago, habang, at pagkatapos ng kalamidad; Magbigay ng mga pagsasanay sa mga grupo na tutugon sa mga pangangailangan ng mga bulnerableng grupo, tulad ng mga kababaihan, mga buntis, nakatatanda, may mga kapansanan, at iba pa; Tiyakin na ang mga ginawang plano ng paaralan at ng barangay ay magkaugnay; Tiyaking kumpleto ang mga kagamitan para sa paghahanda at pag-responde sa panahon ng kalamidad; Tiyaking may maayos at kumpletong kagamitang pang-komunikasyon at may sistema para sa regular na pakikipag-ugnayan sa mga awtoridad; MGA TUNGKULIN AT GAWAIN NG BDRRMC (Pagpapatuloy)

G. Bilang at Pangalan ng mga Samahan ng mga Mamamayan at Sektoral sa Barangay Uri ng Kalsada Sukat/Haba ng Kalsada (Kilometro) Sino ang nagmi-mintina ng kalsada A. Konkreto (concrete) B. Aspalto (Asphalt) K. Graba (Gravel) D. Natural Earth Surface Tema Tungkulin/Gawain Paghahanda (Preparedness) Manguna sa paggawa ng mga plano na may mga mekanismo at sistema kung paano ipatutupad, susubaybayan, at tatasahin ang mga programa, proyekto, at gawain ng barangay sa DRRM-CCA, at mga isyung pangkalusugan; Tiyaking may sapat na partisipasyon ang mga kinatawan ng sektor ng mga bata, mga kabataan, mga kababaihan, mga buntis, mga nanay na nagpapasuso, mga may kapansanan, mga nakatatanda, at mga katutubo, at iba pang mga sektor/ grupo na nasa loob ng barangay sa mga gagawing pag-aaral, pananaliksik, pagpa- plano, at pagpapatupad ng mga programa, proyekto at gawain ng barangay sa DRRM-CCA; Tiyaking lahat ng kasapi ng BDRRMC ay nabigyan ng sapat na kaalaman tungkol sa mga batas, tulad ng RA 10121, RA 9729, RA 10821, RA10174, RA 9003 at iba pang mga batas na may kaugnayan sa DRRM-CCA, health emergency, conflict, at iba pa; Tiyaking may maayos na Early Warning System ayon sa mga natukoy na pangunahing peligro o panganib, tulad ng kalamidad, health emergency, conflict, at iba pa; Tiyaking ang Early Warning System ng mga paaralan ay may koordinasyon at naaayon sa sistema ng maagang babala ng barangay; Tiyaking ang Early Warning System ng barangay ay may koordinasyon at naaayon sa sistema ng maagang babala ng munisipyo o siyudad na nakasasakop dito; Tiyaking may sapat na imbak ng mga gamit, tulad ng gamot at relief goods (Non

• Food Items/Food Items), at mga kagamitang tutugon sa pangangailangan ng mga bata, babae, at iba pang mga bulnerableng sektor sa panahon ng kalamidad, health emergency, conflict, at iba pa; Tiyaking may maayos at kumpletong kagamitan ang mga response teams o grupo para sa kanilang kaligtasan; Tiyaking may naka-imbak o nakahandang kagamitan tulad ng personal protective equipment (PPE) sa mga paaralang nasasakupan ng barangay na maaaring magamit ng mga bata at guro sa oras ng kalamidad; MGA TUNGKULIN AT GAWAIN NG BDRRMC (Pagpapatuloy)

MGA TUNGKULIN AT GAWAIN NG BDRRMC (Pagpapatuloy) Tema Tungkulin/Gawain Pagtugon sa Kalamidad (Response) Magsagawa ng search, rescue and retrieval operations na may koordinasyon sa mga awtoridad; Magsagawa ng paglilinis o clearing operations matapos ang disaster o kalamidad upang masiguro ang kalinisan ng kapaligiran at kaligtasan ng mga residente ng barangay; Makipag-ugnayan sa munisipyo o siyudad para sa deklarasyon ng ‘state of calamity’; I-activate ang lahat ng grupo o volunteer na makakatulong sa pagtugon sa mga kalamidad; Magsagawa ng agarang pagpu-pulong para sa sistema ng pag-responde; Tiyaking may maayos na pamamahala sa mga Evacuation Centers, alinsunod sa mga protocols ng Camp Coordination and Camp Management; Magtalaga ng mga breastfeeding stations, child-friendly space, women-friendly space, WASH facilities, atbp. sa loob ng mga evacuation centers; Magtalaga ng mga “ specific / designated ” na palikuran na nakalaaan para sa mga lalaki, babae, at mga taong may kapansanan; Pagsubaybay sa mga may sakit o karamdaman upang masiguro na walang mahahawa, lalo na ng mga nasa evacuation centers; Regular at tamang pag-uulat ng mga maysakit, na nakita o nabatid sa rural health unit o sinumang available na doktor o medical personnel na malapit sa evacuation center; Agarang pag- isolate o paghihiwalay sa mga taong nabatid na may karamdaman na maaaring makahawa sa evacuation centers; at Tiyaking lahat ng serbsiyong pangkalusugan (Esssential Health Service Package- EHSP), tulad ng Medical and Public Health, kasama ang Minimum Initial Service Package (MISP) for Sexual and Reproductive Health (SRH), Mental Health and Psychosocial Support (MHPSS), Water Sanitation and Hygiene (WASH), at Nutrition in Emergencies, ay maaaring makuha mula sa mga barangay health centers at evacuation centers at sa pamamagitan ng pakikipag-ugnayan sa mga miyembro ng Health cluster

Tema Tungkulin/Gawain Pagtugon sa Kalamidad (Response) Sa panahon ng epidemya/pandemya: Tiyakin na ang mga pangkalusugang protocols ay sinusunod ng mga miyembro ng komunidad; Magsagawa ng paunang pagkakakilanlan ng mga taong apektado ng sakit at isumite ito sa C/M Health Officer; Magsagawa ng regular na pagbisita sa bawat bahay ng mga residente na nagkaroon ng sakit o sa mga taong nasa ilalim ng pagsubaybay ( persons under monitoring ); Tiyaking natutugunan ang mga pangangailangan ng apektadong populasyon, partikular ang pagbibigay ng mga pangunahing pangangailangan (basic necessities), at matukoy kung kinakailangang sila ay ihiwalay sa kanilang pamilya o kasama sa bahay; Simulan ang contact tracing; Tumulong sa pamamahala ng mga isolation facilities at tiyakin na ang mga kinakailangang suplay at kagamitan ay kumpleto at nakahanda sa pamamagitan ng pakikipag-ugnayan sa C/M Health Office; Panatilihin ang madalas na pakikipag-ugnayan sa C/M Health Office; at Siguruhing makipag-ugnayan sa inyong LGU para sa mga bagong health protocols sa inyong siyudad o lungsod. Pagbangon at Rehabilitasyon ( Recovery and Rehabilitation) Katuwang ang C/MDRRMO, at iba pang mga tanggapan sa lokal na pamahalaan, tumulong sa pagsasagawa ng damage assessment, at recovery and rehabilitation plan sa mga nasasakupan; at Tiyaking may ginawang konsultasyon sa iba’t-ibang mga kinatawan sa loob ng barangay, tulad ng mga bulnerableng sektor, kasama ang mga bata, may kapansanan, kababaihan, matatanda, katutubo, CSOs, at iba pa, upang makakuha ng mga suhestiyon para sa agaran at pang-matagalang ( sustainable ) solusyon sa naging epekto ng kalamidad o pandemya sa mga miyembro ng komunidad. MGA TUNGKULIN AT GAWAIN NG BDRRMC (Pagpapatuloy)

Bahagi (Component) Pagsasalarawan ng Proseso (Process Description) Sanggunian (Reference/Data Source) Participatory Community Risk Assessment (PCRA)

2. Pagtukoy sa mga posibleng peligro o bantang panganib na maaring maranasan ng barangay
   • Nasirang Kagamitan - Isulat ang halaga, bilang o porsyento ng naapektuhang kagamitan o inprastractura sa loob ng komunidad halimba- wa ay bahay, Elementary School, at iba pang kagamitan na nakasulat sa template. Makipag-ugnayan sa opisina ng MDRR- MO o MPDO at humingi ng kopya ng mga hazard o risk maps at iba pang im- pormasyon na may kinalaman sa mga peligro na maaaring maranasan ng baran- gay. Ang pagtukoy sa mga posibleng peligro o bantang panganib ay batay sa mga siyentipikong datos o batay sa pananaw o karanasan ng mga residente sa barangay. Gamit ang opisyal na website ng gobyerno, ang GeoRisk Philippines: https://hazardhunter.georisk.gov.ph/, maaaring tukuyin ang mga uri at antas ng peligro na posibleng maranasan ng komunidad. Ilista sa unang haligi ( Peligro o Panganib ), ang lahat ng peligro o hazards na maaaring maranasan o mangyari sa loob ng barangay, ito man ay natural o gawa ng tao, o pang-kalusugan. Para sa ibang Health Hazards na dapat isaalang- alang, tingnan ang Annex A. Sa ikalawang haligi (Probabilidad), magbigay ng kaukulang rating ayon sa dalas ng pagkakaroon ng peligro/panganib batay sa napagkasunduang rating. Isulat din ang iba pang impormasyon na may kinalaman dito, sa ikalimang haligi (Basehan), kung kinakailangan. Hazard o risk maps mula sa PHILVOCS, PAGASA, MGB/DENR o ng siyudad/munisipyo OCD- Contingency Plan Guidebook issued on Jan.
     https://hazardhunter.georisk.gov.ph/

Bahagi (Component) Pagsasalarawan ng Proseso (Process Description) Sanggunian (Reference/Data Source) Participatory Community Risk Assessment (PCRA)

2. Pagtukoy sa mga posibleng peligro o bantang panganib na maaring maranasan ng barangay Sa ikatlong haligi (Epekto), magbigay ng kaukulang rating ayon sa kalubhaan ng epekto ng peligro/panganib, batay sa napagkasunduang rating. Isulat din ang iba pang impormasyon na may kinalaman dito, sa ikalimang haligi (Basehan), kung kinakailangan. Sa ika-apat na haligi (Pamamahala), magbigay ng kaukulang rating, ayon sa antas ng kakayahan sa pag-responde ng BDRRMC at ang iba pang miyembro ng komunidad sa panahon na may peligro/ panganib, batay sa napagkasunduang rating. Isulat din ang iba pang impormasyon na may kinalaman dito, sa ikalimang haligi (Basehan), kung kina- kailangan. Sa ikalimang haligi (Basehan), isulat ang mga impormasyong may kinalaman sa ikalawa, ikatlo at ikaapat na haligi upang mas madaling tukuyin ang mga dahilan sa bawat rating na ibinigay sa bawat haligi. Sa ika-anim na haligi (Average), idagdag ang ikalawa, ikatlo at ika-apat na haligi at hatiin (divide) sa 3 upang makuha ang average. Sa ika-pito o pang-huling haligi (Pagkahanay), ihanay ayon sa nakuhang average ang mga peligro/panganib na natukoy. Ang may pinaka-mataas na nakuhang average ang siyang magiging prayoridad ng komunidad pagtuunan ng pansin at mabigyan ng karampatang aksyon o solusyon. Susunod ang iba pang peligro/panganib depende sa average na nakuha.

Bahagi (Component) Pagsasalarawan ng Proseso (Process Description) Sanggunian (Reference/Data Source)

3. Bulnerabilidad o Kahinaan
4. Kapasidad o Kalakasan ng Barangay
   • Mga batas at administratibong istraktura
   • Istraktura sa pagdedesisyon
   • Antas ng partisipasyon (Nino?)
   • Pagkakahati-hati/Hindi pagkakasunduan (etniko, grupo o uri, lahi, relihiyon, ideolohiya, politikal na grupo, wika, istraktura at pamamaraan ng pamamagi- tan tuwing may hindi pagkakasundo)
   • Antas ng hustisya/kawalan ng kata- rungan, pagkakapantay-pantay, puwang upang makalahok sa mga pampolitikal na proseso
   • Pag-oorganisa ng mga komunidad (pormal/di-pormal, tradisyunal o gobyerno)
   • Relasyon sa gobyerno
   • Pagkakabukod o pagiging konektado Pag-ganyak ( Motivationa l) o Pananaw ( Attitudinal )
   • Saloobin tungkol sa pagbabago
   • Pagkakaroon ng abilidad upang maapektuhan ang kanilang mundo at kapaligiran, at maisagawa ang kinakailangan
   • Pangunguna/Inisyatiba (o kakulangan sa pangunguna)
   • Paniniwala, determinasyon, at fighting spirit
   • Sistema ng paniniwala, ideolohiya, at pagmamalaki
   • Paniniwala sa kapalaran, kawalan ng pag
     • asa, at panghihina ng loob
   • Pagiging pala-asa/pag-asa sa sarili
   • Kamulatan, pagkakaroon ng pagkakaisa, at kooperasyon

Bahagi (Component) Pagsasalarawan ng Proseso (Process Description) Sanggunian (Reference/Data Source) 3.1 Public Health Vulnerability (^) Tingan ang Annex D para sa Public Health Vulnerability Assessment Matrix Tukuyin ang mga lugar na pinaka-bulnerable sa mga peligro. Isulat kung aling mga purok/ sitio ang maituturing na bulnerable. Isaalang-alang ang mga sumusunod na salik ( parameters) sa pagtukoy sa mga kahinaan ( vulnerabilities ) ng isang komunidad:

• Mayroon bang paraan ng pagkuha ( access ) sa mga serbisyong pangka- lusugan o medical sa mga apektadong lugar?;
• Ang estado ng kalusugan ng mga taong nasa panganib ( populations at risk ) base sa kanilang saklaw ng serbisyo sa kalusugan ( health service coverage ), population immunity, pasanin ng kalusugan (disease burden), atbp.
• Mga salik (social determinants) ng kalusugan, tulad ng access sa magandang pabahay (good housing), tubig, kalinisan, edukasyon, atbp.
• Presensya ng mga bulnerableng grupo sa mga apektadong lugar
• Mga aspetong sosyal at organisasyonal: pamumunong pangkalusugan ( health leadership ), mga istraktura ng pagde- desisyon ( decision-making structures ), mga istrakturang administratibo, pag- aayos ng institusyon ( institutional arrangements ), at pakikilahok ng komunidad ( community participation ).
• Mga aspeto ng pag-uugali/motibasyon ng mga mamamayan: kahalagahan ng kalusugan, pagiging bukas o pagtanggap sa pagbabago, pag-unawa sa kanilang tungkulin sa pagpapababa ng mga panganib pangkalusugan, inisyatibo upang gawin ang mga bagay, at pakikisama o kooperasyon. Tingnan ang Annex E para sa Halimbawa

Bahagi (Component) Pagsasalarawan ng Proseso (Process Description) Sanggunian (Reference/Data Source) 6.1.2 Detalyadong Bilang ng mga Taong May Kapansanan Alamin ang bilang ng mga taong may kapansanan na maaring maaapektuhan ng mga pangunahing peligro o panganib ayon sa edad at kasarian (mag-base sa column ng bilang ng Persons with Disabilities na maaapektuhan ng peligro o panganib mula sa table 6.1.1) 6.1.3 Bilang ng pamilya ayon sa nakasulat sa mga column sa ba- ba na maaapektuhan ng peligro o panganib kada sitio/purok/ block/street Alamin ang bilang ng mga pamilyang maaapektuhan ng peligro o panganib ayon sa mga nakasulat sa column:

• Column ng bilang ng pamilya na nakati- ra sa mga lugar na walang sariling titulo o legal na papeles ng kanilang paninira- han
• Column ng informal settlers o mga pamilyang nakatira sa lugar na hindi nila pag-aari ang lupa
• Column ng bilang ng mga pamilyang may maayos at sapat na pinagkukunan ng pagkakakitaan
• Column ng bilang ng mga pamilyang may kamalayan o kaalaman sa maaaring epektong idudulot ng peligro o panganib na darating sa loob ng barangay
• Column ng bilang ng pamilyang may access sa impormasyon sa pamamagitan ng radio, TV, newspaper, social media, at iba pa para malaman ang anunsyong mais ipaabot ng mga kinauukulan tungkol sa paparating na peligro o panganib
• Column ng bilang ng mga pamilyang may access sa financial assistance na ipinamamahagi ng gobyerno o ng mga pribadong grupo
• Column ng bilang ng mga pamilyang may access sa early warning system sa panahon na may paparating ng peligro o panganib

CDRA

Bahagi (Component) Pagsasalarawan ng Proseso (Process Description) Sanggunian (Reference/Data Source) 6.1.4 Bilang ng tao na may mga karamdaman o sakit na nakakahawa Makipag-ugnayan sa inyong Barangay Health Centers at Municipal Health Offices upang makuha ang mga bilang ng mga taong may karamdaman o sakit na nakahahawa base sa mga pangunahing sakit ( Priority Diseases/ Syndromes) at mga kondisyong naka-target para sa pagsubaybay (Conditions Targeted for Surveillance) ng DOH. Tingnan ang Annex F para sa Listahan ng mga Prayoridad na Karamdaman, S i n t o m a s a t K o n d i s y o n n a kinakailangang bantayan. DOH PIDSR Manual of Procedure 7.1 Epekto ng Peligro o bantang Panganib Alamin ang bilang ng mga tao o pamilyang maaring maapektuhan ng mga pangunahing peligro o bantang panganib sa bawat purok, sitio, sona ( zone ), block o kalye ( street ) ayon sa tatlong kategorya Gawing basehan ang ginawa o kinuhang mapa ng mga pangunahing peligro o panganib ( hazard ma ps) sa C/MPDO/ C/MDRRMO o https://hazardhunter.georisk.gov.ph/ Ito ay dapat gawin para sa bawat peligro o panganib na nangangailangan ng mga programa o intervention. 7.2. Imbentaryo ng mga kagamitan, imprastraktura, establisyemento, pasilidad at pangkabuhayan ng mga tao na maaaring maapektuhan ng peligro o panganib Ilagay sa ikalawang column ang kabuuang bilang ng mga nakasulat sa unang column, kung meron nito sa loob ng barangay at tantyahin kung ilang porsyento ang maaaring epekto nito kung sakaling maapektuhan ng pangunahing peligro o panganib. Sa ika-apat na column, isulat ang pangalan ng lugar kung saan ito makikita o matatagpuan. Ito ay dapat gawin sa bawat peligro na dapat magkaroon ng mga programa o intervention. Puwede itong makita o makuha mula sa barangay profile o sa Community- Based Monitoring System (CBMS)

8. Mga pangunahing isyu o suliranin na kinakaharap ng mga bulnerableng grupo tuwing magkakaroon ng kalamidad sa loob ng barangay. Maaaring gumamit ng iba’t-ibang tools o pamamaraan ang barangay upang malaman ang mga maaaring maging isyu o suliranin ng bawat bulnerableng grupo sa panahon ng kalamidad na dulot ng natural na peligro o gawa/ginawa ng tao. Pwedeng gumamit ng “Problem Tree Analysis” at iba pang pamamaraan na makakatulong sa barangay.